بقلب مجروح اوكف خلي احاجيك

اذا ناوي البعد ..ومتعبك الحال
بكيفك عادي ظلت ابعد وروح
ليل بلا كمر موحش ترى يصير؟
وبلايه الوجع ما تحلى الجروح
عمي انته حلو ومدلل هواي ؟
وانه من التعب حته وجهي ممسوح
بس يوم العرفتك جنت تمثال
وبلمسه جناني انطيت الك روح
دللتك دلال الام للزعار
والخاطر عيونك كلشي مسموح
ما محتاج منك اعرف شصار
متعلمه اليتامة ودارسة النوح
وكبل ما تبتعد بس عندى جلمات
بكلب مجروح اوكف خل احاجيك
بكد طيبي اوفائي الشفته وياي
تتحسر على الحنيه اخليك
ولااعتب لان بيك انا مخدوع
اعتب عالزمان الجابنى عليك
وراح تشوف باجر سود الايام
وخلي النار بضلوعك تشب بيك
وغلات دموع عيني الصبن عليك
وحك ربك كثرهن راح ابجيك
ان شاء يعجبكم

الله الله
لك شون هاي
تسلم ايدج جوجو

انتي كاتبهة ؟ ما اعتقد انو انت تكتبين هذي الكلمات
تتحسر على الحنيه اخليك
ولااعتب لان بيك انا مخدوع
اعتب عالزمان الجابنى عليك
وراح تشوف باجر سود الايام
وخلي النار بضلوعك تشب بيك
وغلات دموع عيني الصبن عليك
وحك ربك كثرهن راح ابجيك

بصراحة استمتعت بيه بالبداية بس هذا الجزء ما حبيتة هذا رايي سوري لان احجي بصراحة
وتحياتي الج

حبيبتي كينك..اني اعتز برأيج
ويامساري بالعكس اني اكثر مقطع عجبني بالقصيدة هو هذا
وليش تتوقعين اني ما اكتب هيجي شي؟

اني معجبني و انتي يعجبج
مو مشكلة عادي هوة دائما يا ابيض يا اسود ميصير رمادي
يعني دائما اراؤنا مو نفس الشي ملاحظة حلوة مو
عموما اني ما اتوقع انتي كاتبتة لانو من عادتج تكتبين اشعار مؤلمة
وتحياتي الج

انتي تعتقدين هاذا الشعر مو مؤلم
ولكل انسان رأيه..مو يا ابيض واسود هاي صارت قديمة
هسة يا احمر يا اخضر
على العموم اعتز برأيج
تحياتي الج